Kraftkonsernet kunne no i føremiddag presentere eit årsresultat etter skatt på heile 134,3 millionar kroner. 70 prosent av dette skal betalast ut som utbytte til aksjeeigarane i SFE.
– Det er sjølvsagt eit godt årsresultat som eg tykkjer er gledeleg utfrå den eigarsamansetninga vi har. 70 prosent av overskotet går attende til det kommunar og fylkekommunen i form av utbyte, seier konsernsjef Terje Gjengedal til NRK.
– Kjem samfunnet til gode
Nær halvparten av aksjane i SFE er eigd av Sogn og Fjordane fylkeskommune, medan resten er delt mellom BKK og fleire kommunar i Nordfjord og Sunnfjord.
– Det aller meste kjem samfunnet til gode. Det er ikkje noko SFE sit og held tilbake i si kasse. Vi delar tilbake til lokalsamfunna, seier Gjengedal.
Det er ikkje minst ei høg inntekt på nettleige som gjer at SFE i dag kunne presentere sitt beste resultat sidan 2007.
– Eg ser det som veldig gledeleg at vi leverer gode resultat for eigarane våre. Dermed kan dei investere vidare i lokale tiltak, sler Gjengedal fast.
- LES OGSÅ:
- LES OGSÅ:
Slik vert overskotet i Sogn og Fjordane energi fordelt:
- Sogn og Fjordane fylkeskommune: 48,4 mill
- BKK: 38,8 mill
- Flora kommune: 4,5 mill
- Gloppen kommune: 3,4 mill
- Bremanger kommune: 2,4 mill
- Askvoll kommune: 1,5 mill
- Selje kommune: 1,4 mill
- Eid kommune: 01, mill
- Naustdal kommune: 0,07 mill
Mindre snø i fjella
Ved inngangen til 2014 hadde SFE sine vassmagasin rett nok ei fyllingsgrad på 80%, noko som er høgare enn normalt.
– Men med ei mindre snømengd i fjella enn det som er normalt, er det venta at produksjonsselskapet vil produsere mindre kraft enn den gjennomsnittlege årlege produksjonsmengda på 2 065 gigawatt, heiter det i pressemeldinga som SFE sende ut om årsresultatet.
Ikkje like godt neste år
Konsernsjefen peikar på at det gjer at dei ikkje kan forvente eit like godt resultat for inneverande år.
– Mindre produksjon, lågare marknadsprisar på kraft, og ei lågare inntektsramme for nettselskapet, fører til at vi ikkje kan vente oss eit like godt resultat for 2014, seier Gjengedal.