Dette kan koste sogningen 15 dagar i fengsel. Det har Oslo Tingrett avgjort.
Mannen var innkalla til førstegangsteneste på Madla i Stavanger 10. januar i fjor, skriv Aftenposten. Men 28-åringen møtte aldri opp. Han møtte heller ikkje seinare trass i fleire purringar. I retten forklarte sogningen at han var klar over både innkallinga og purringane.
- Men eg møtte ikkje. Det passa dårleg med studieprogresjonen og arbeidet på universitetet, forklarte mannen, som heller ikkje brydde seg med å søkje om utsetjing.
- Eg rekna med at det heile gjekk i orden, sa 28-åringen.
Mannen har ikkje bestemt seg for om han vil anke dommen.