Sogndal vann fortent

– Eg er først og fremst glad for sigeren. Og så er eg veldig nøgd med at spelarne gjer klokare val utover i kampen, for då blir vi betre enn Ranheim og vinn til slutt fortent.

Det seier Harald Aabrekk som debuterte med sin første seriekamp som Sogndal-trenar.

Aabrekk heva røysta

Sogndal måtte slite for å slå nyopprykka Ranheim. To fine mål av Ayhee Elvis og Mats Solheim var meir enn nok til å gje trenar Harald Aabrekk den sesongopninga han og alle Sogndal-tilhengarane håpa på.

Men Aabrekk måtte heve røysta med jamne mellomrom og mana spelarane til innsats mot eit hardtkjempande Ranheim.

• Kampreferat minutt for minutt
• Resultat og tabell

Både Ole Johan Halvorsen og alt nemnde Elvis hadde sjansen til å gje Sogndal leiinga før pause. Men fysisk sterke og gode ranheimforsvararar med duoen Ivar A. Sandvik og Tom Erik Nordberg saman med keeper Andreas Lindeberg gjorde oppgåva vanskeleg for Sogndal.

(Artikkelen held fram under biletet...)

Lirka ballen på tredje forsøk

Men så kom det forløysande målet. Elvis gjorde jobben på eit flott gjennomspel frå Ole Johan Halvorsen. Ivorianaren var iskald og plasserte ballen til side for den elles så gode Lindeberg i ranheimmålet.

Midtvegs i andre omgang viste målsniken Mats Solheim seg fram frå sin offensive backposisjon. Barry Kader, Sogndal sine bestemann, gjorde eit perfekt førearbeid på venstrekanten.

Typisk nok var Solheim på plass og fekk lirka ballen i mål på det tredje forsøket. Dermed var mykje av jobben gjort for Sogndal som sette innpå veteranduoen Håvard Flo og Tommy Øren siste halvtimen.

Ranheim var farlege

Ranheim var farleg frampå ved eit par høve, og nærmast scoring var Peder Winsnes. Men Pjotr Leciejewski viste klasse kvar gong det var fare på ferde og avverga forsøka.

Trønderane fekk reduseringa helit på tampen då Micke Charlsen scora elegant etter innlegg frå Michael Jamtfall.

Har ein del å jobbe med

Sogndal og trenar Aabrekk har framleis ein god del å jobba med offensivt. Duoen Ulrik Flo og Espen Olsen fekk ikkje utretta all verda, så den største utfordringa blir nok å finna det rette spissparet.

I dei bakre rekker ser det bra ut med midtstopparduoen Hovland og Grorud som ruvande kjemper framfor alltid solide og pålitelege Pjotr Leciejewski.

– Det som eg tykkjer er viktigast er at vi får tempoet på ballen opp eit nivå slik at vi får større variasjon i spelet vårt. I dag var tempoet lågare enn i siste treningskamp mot Løv-Ham, seier Aabrekk.

– Når tempoet ikkje er så høgt blir det litt einsidig frå vår side, men det må også bana ta litt av skulda for. Den var faktisk betre mot Løv-Ham for no det kome litt «gro» i bana og då blir det litt «tuete» der ute, seier den tidleagare gardbrukaren.