Saftkokaradn og Sogndal sitt 2006-lag skulle etter planen forsvare dei svartkvite fargane før det heile braka laust klokka 18 i kveld.
Medan Saftkokaradn ikkje kom til sitt annonserte oppgjer, lukkast niåringane.
– Vi spelte godt og var flinke å sentre, meiner Sander Sjøtun Heggestad etter kallassigeren.
Kampen over 14 minuttar var ikkje mot Brann, men mot raudtrøyene frå Askøy. Sjølv om dei hadde Grodås cup i beina frå laurdag, varta dei opp med storspel og til slutt ein solid siger. Om det var fem, seks eller sju null, strides dei lærde om.
Sander scora sjølv eitt av måla. Til pause leia Sogndal 2-0. Akkurat det resultatet Sjøtun Heggestad håpar står på måltavla når dommaren bles av for full tid i det verkelege oppgjeret.
– Eg er spent, men tippar på 2-0 til Sogndal. Robin Shroot og Ulrik Flo scorar, seier han.
– Håpar du Sogndal kan lære noko av måten de spelte på?
– Det veit eg ikkje. Kanskje pasningane?