Sogndal tapte 2-0

Hopp til innhold

- Vi kom aldri opp på vårt beste og det er sjøvsagt litt Løv- Ham si fortening. Og vi må ta sjølvkritikk, seier Sogndaltrenar Harald Aabrekk.

Les heile kampreferatet her

Kjedeleg førsteomgang

Sogndal møtte Løv-Ham på Varden Amfi i Bergen søndag.

Men det vart ein noko kjedeleg førsteomgang med få sjansar. Sogndal var best før pause, men dei fekk ikkje inn nokon mål.

- Det var ein dårleg kamp, seier Even Hovland om laget sin innsats.

LES OGSÅ: - Spelarane er fulle av sjølvtillit

Keeperen måtte ut

Etter 72 minutt kom det første målet levert av Arve Walde for Løv-Ham. To minutt etter får keeper Piotr Leciejewski raudt kort etter at han kom i konflikt med dommaren.

Dermed kom Joe Bendik inn som ny keeper, og Barry Kader vart bytta ut.

Og etter 85 minutt kom det andre målet for heimelaget. Fredrik Haugen scora på straffe.

Sogndal har 52 poeng på tabellen, og har framleis gode sjansar til å rykke opp til elitenivå. For onsdag møter laget Fredrikstad.

Held fokuset

- Vi har fokus på det vi sjølve skal gjere og ikkje på alt anna. Alt snakket om at vi er klare for å rykke opp forstyrrer. Vi har eit fokus og det er å vinne neste kamp, seier Aabrekk.

- Kva tenkjer du om at Piotr Leciejewski er ute. Er Bendik ein god erstattar?

- Han er vel ikkje på same standarden som Piotr, men det skal gå bra, seier trenaren.

LES OGSÅ: Trur på jamn og tøff kamp

Skal i eliteserien

Også kaptein Lars Grorud på Sogndal var skuffa over laget sin innsats på Varden Amfi. Men han er sikker på at dei skal klare å rykke opp til eliteserien.

- Vi skal kome sterkare att, og vi skal sikre opprykket, seier Grorud som får nikk frå Henrik Furubotn.

Furubotn stiller seg også uforståande til at Leciejewski fekk straffe mot seg.

Han fortel at han var så nære situasjonen og såg kva som skjedde.