NRK Meny
Normal

Sogndal presenterer ny trenar i dag

Sogndal Fotball presenterer sannsynlegvis Jonas Olsson som ny trenar på ein pressekonferanse klokka 15.00 tysdag ettermiddag.

Jonas Olsson

TIL SOGNDAL: Jonas Olsson kjem sannsynlegvis til Sogndal for å bli presentert som ny trenar i dag.

Foto: Scanpix

Artikkelen er flere år gammel.

Søndag sat den 41 år gamle svenske fotballtrenaren Jonas Olsson saman med Sogndal-leiarane og såg Sogndal spele mot Fredrikstad.

Måndag trykte Sogn Avis bileta frå tribuna, og tysdag er Sogndal Fotball i ferd med å kalle inn til pressekonferanse.

– Temaet blir eventuelt ny trenar, ja, seier dagleg leiar i Sogndal Fotball, Egil Mundal.

Kjem frå IFK Göteborg

Det har ei stund vore klart at Harald Aabrekk ikkje kjem til å halde fram med å trene Sogndal etter denne sesongen.

Ei rekke namn har vore kobla til jobben, men brikkene fall på plass då den avtroppande IFK Göteborg-trenaren tok plass i lag med styreleiar Tor Arne Ness og sportsleg leiar Trond Fylling på tribuna søndag.

På plass i dag

Utan å stadfeste direkte at det er Olsson som skal presenterast ettermiddag, avviser Mundal at offentleggjeringa av namnet har framskunda presentasjonen av trenaren – som uansett ikkje skal ta fatt på jobben før over nyttår.

Det er venta at Jonas Olsson sjølv er tilstades under pressekonferansen.

Navnestrid i Sunnfjord
2200 villrein i Nordfjell skal avlivast, men jegerane er ikkje nøgde. 
   
Dab-dekning i tunnelar