Med 3-0 over Mjøndalen tok Sogndal søndag eit langt steg i retning mot neste års eliteserie.
Men: Uansett divisjon i 2011 - det blir ikkje særleg mykje meir pengar til spelarane.
- Det blir ikkje vesentlege endringar i totaløkonomien på spelarsida, stadfestar dagleg leiar Egil Mundal.
- LES OGSÅ:
Kan ikkje bruke like mykje som andre
Sogndal må dermed klare seg med dei om lag ni millionane dei brukar på å løne dei 24 spelarane i stallen også neste år.
Klubben reduserte lønsbudsjettet kraftig før denne sesongen, og sjølv om spel i eliteserien vil gje auka inntekter på opptil fem millionar kroner, blir desse først og fremst i lagde i sparegrisen.
- LES OGSÅ:
Økonomien er nemleg så dårleg, at Sogndal er på fotballforbundet si raudt lys-liste.
- Er du på denne lista, har du økonomiske utfordringar. Det jobbar vi med no, og det må vi halde fram med. Sogndal har dessutan aldri brukt like mykje ressursar som dei vi konkurrerer mot, seier Mundal.
(Artikkelen held fram under biletet)
Målet er å byggje eigenkapital
Sogndal har hatt eit solid overforbruk dei siste åra, i tillegg til at bygginga av Fosshaugane Campus har svekka eigenkapitalen så mykje at dei har komme på raudt lys-lista.
Det betyr at Harald Aabrekk kan håpe på maks ein halv million ekstra, dersom han skal styrkje stallen til kamp mot dei aller beste i Norge.
- LES OGSÅ:
- Vi har kanskje den kjedelegaste målsetjinga ein fotballklubb kan ha; å byggje eigenkapital. Det betyr at vi må levere plussresultat for å fylle opp nokre av dei reservane vi har brukt opp i løpet av tre veldig tøffe år no, seier Mundal.