NRK Meny
Normal

Sogndal knuste Førde

Førde vart totalt overkøyrde i Sognahallen.

Tysdag kveld spelte Sogndal treningskamp mot laget frå Førde.

Sogndal vann kampen 8-2. Ved pause var stillinga 4-0.

- Rett bilete av kampen

Speaker Tom Wolff Navarsete meiner at resultatet viser eit rett bilete av kampen.

- Kampen var overkøyring frå start til mål. Sogndal hadde full kontroll heile kampen og Førde sleppte dei til alt for lett til.

Fekk juling

Førde kom ikkje med i kampen før eit godt stykke ut i andre omgang. Trenar Knut Erik Folland seier at dei fekk bra bakoversveis i dag.

- Vi møtte eit godt Sogndal-lag og vi starta ikkje kampen før det hadde gått ein halvtime. Då får vi eit problem, seier han.

Han seier det var kjekt å spele mot Sogndal sjølv om dei fekk juling.

- Vi fekk stadfesta at vi har ein del å jobbe med. Vi klarer ikkje å halde aggressiviteten oppe i presset og vi vart straffa knallhardt for det i dag.

Ulrik tilbake

Songdal-spelar Ulrik Flo er tilbake på banen etter å ha vore skadd i nesten to år. I kampen i dag skåra han eit av måla mål og var nest sist ballen på fleire andre mål.

- Eg har funne rolla mi og er meir bevisst på kva eg skal gjere. No gjeld det å komme i best mogeleg form før seriestart.

Nøgd trenar

Sogndal-trenar Karl Oskar Emberland seier at det er eit stort potensiale i Flo.

- Å komme tilbake slik etter eit langt avbrekk står det respekt av. Han har mange flotte eigenskaper og vi håper han held seg skadefri.

Emberland seier at kampen i dag viser at dei har ei solid tropp og at det er bra rytme i spelet.

- Det var mange i dag som periodevis gjorde det bra på banen.

Målskårarar var:

1-0: Jon Midttun-Lie, Sogndal

2-0: Valtter Laaksonen, Sogndal

3-0: Valtter Laaksonen, Sogndal

4-0: Lars Grorud, Sogndal

5-0: Ulrik Flo, Sogndal

5-1: Straffe ved Bernt Norevik, Førde

6-1: Tarjei Dale, Sogndal

7-1: Harald Stormoen, Sogndal

7-2: Steinar Tenden, Førde

8-2: Barry Kader, Sogndal

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.