NRK Meny
Normal

Sogndal kan sikre divisjonssigeren og opprykk for Brann

Sjølv om opprykket er sikra, har Sogndal framleis mykje å spele for når dei i kveld møter Kristiansund på Fosshaugane.

Trenarteamet med Eirik Bakke, Marius Bøe og Helge Haugen

GÅR FOR GULL: Eirik Bakke sørga for opprykk i debutsesongen som trenar for Sogndal. Her saman med toppspelarutviklar Marius Bøe og fysisk trenar Helge Haugen.

Foto: Alf Vidar Snæland / NRK

Laster innhold, vennligst vent..

For Sogndal ligg det 800 000 kroner i potten dersom det skulle bli tre poeng i kveld. Då vil dei ha seks poeng til gode på Brann med to kampar att å spele. Med minimum seksten plussmål til gode betyr det at sigeren i divisjonen i praksis er sikra med full pott.

Samstundes vil siger til Sogndal bety at Brann har sikra andreplassen. Trenar Eirik Bakke lovar å sende ein svolten gjeng på bana.

– Vi har ein fotballkamp å vinne. Det som skjedde søndag gir oss energi, men vi veit aldri korleis utfallet blir. Kristiansund kjem for å ta poeng, så det blir ein tøff kamp, seier Bakke.

Desse startar kampen for Sogndal: Mathias Dyngeland - Eirik Skaasheim, Bjørn Inge Utvik, Christophe Psyché, Taijo Teniste - Lars Christian Kjemhus, Petter Strand, Babacar Sarr, Thomas Drage - Mahatma Otoo, Kristian Fardal Opseth.

Motstandarlaget Kristiansund var det store formlaget i divisjonen. Men med to tap på rappen er håpet om direkte opprykk i ferd med å svinne. Blir det tap i kveld er alt håp ute. Brann vil då ha sju poeng til gode når to rundar står att.

Faktisk vil tap bety at Kristiansund tvert om må kjempe om å greie kvalifisering. Då vil dei berre ha tre poeng til gode på Jerv på sjuandeplass, den første plassen som ikkje gir sjansen til å kjempe om opprykk.

Førre gong Sogndal rykte ned til førstedivisjon i 2004 tok det seks sesongar å kome tilbake til eliten. Med Eirik Bakke i førarsetet var det nok med eitt forsøk.

Opprykket vart sikra på bortebane, men i kveld har dei sjansen til å feire ein serietittel på Fosshaugane. Så spørst det berre om festrusen frå helga har lagt seg og spelarane er klare til kamp.

Laster innhold, vennligst vent..
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.