Sogndal imponerte ingen, då dei torsdag slo Fyllingen 2-0 på Varden Amfi i Bergen.
Per-Egil Flo sende Sogndal i leiinga etter 26 minutt, etter at Henrik Furebotn hadde spelt backen fri framfor mål. Først etter 84 minutt avgjorde Ole Jørgen Halvorsen det heile med 2-0 på straffe.
Då hadde Fyllingen pressa eliteserielaget bakover på bana i jakt etter utlikning.
– Det var godt å få inn den scoringa. Det var viktig, seier Ole Jørgen Halvorsen til NRK.no.
- LES OGSÅ:
Scora på straffe - fekk kontroll
Sogndal var det førande laget i første omgang, men fall tilbake og let seg presse bakover etter kvilen. Med litt meir presisjon og flaks i avgjerande augneblink kunne Fyllingen fort ha utlikna.
Difor kom straffescoringa svært godt med for Harald Aabrekks menn.
– Det viste seg at det ikkje var berre-berre å slå Fyllingen. Men no er vi vidare, og det var det viktigaste i dag, seier Even Hovland.
– Er positivt med ein siger
Hovland var tilbake i midtforsvaret etter at han sto over 0-0-kampen mot Viking i helga grunna suspensjon etter raudt kort. Eirik Bakke sto igjen over kampen på grunn av ein skade.
– Kva betyr denne sigeren for det som skal skje vidare?
Det er positivt å få med seg ein siger, for vi står framfor eit tøft program no. Vi må stå på, og ta dette med oss, seier Hovland.
- LES OGSÅ:
Håpar på Hønefoss i neste runde
Kven Sogndal skal møte i tredje runde i NM blir avgjort av fotballforbundet på fredag.
– Det kunne ha vore artig å møte Hønefoss. Då hadde det blitt ein retur for Bolli (Rune Bolseth, red. mrk.) til Fosshaugane, meiner Halvorsen.
- LES OGSÅ:
PS: Sogndal står no framfor eit knalltøft kampprogram i eliteserien, med oppgjer mot Stabæk, Lillestrøm og Rosenborg.
