Gøran Wigum sette like før pause inn scoringa som sikra vertane sigeren.
- Vi må nok innrømme at vi hadde marginane på vår side. Molde var klat betre enn oss. Spesielt i byrjinga, vedgår trenar Torbjørn Glomnes etter at disiplane hans tok skalpen på eit sterkt Molde-lag.
Sløste med sjansar
Molde stilte med eit godt juniorlag til oppgjeret. Sjølv om dei opna best, hadde vertslaget ein god mann mellom stengene i årdølen Stian Karlsen.
- Han stod veldig bra, samstundes som at Molde sleit med å få avslutningane på mål. Dei hadde fleire store sjansar, seier Glomnes.
Kunne blitt meir
Utover i kampen kom Sogndal meir med i kampen. Etterkvart som minutta tikka nærare og nærare 90 minutt, måtte blåtrøyene frå "Rosenes by" framover på bana.
- Då opna det seg sjansar for oss, og vi kunne fått fleire mål, seier Glomnes.
God Norevik
I følgje heimesida til Sogndal var Førde-spelaren Bernt Norevik best på Sogndal. Norevik var også spelaren som sytte for straffe då han prøvde å forsere ein forsvarar ved å vippe ballen forbi han. Ballen trefte motspelaren i handa.
- Eg har ikkje for vane å trekke fram einskilde spelarar, men Bernt er ein av dei beste på laget og gjer ein god jobb saman med andre. Dei forsvarte seg godt etter tok leiinga, seier Glomnes.
- Spennande spelar
Glomnes seier at både Norevik og 15-åringen Gustav Valsvik er spennande spelarar. Vikjen
. I morgon møter Sognal Notodden, medan dei søndag avsluttar turneringa mot Haugesund.- Vi har litt høge skuldrar i dag, men det blir nok betre utover i turneringa etterkvart som spelarane får ned skuldrane og blir kjende med kvarandre, seier Glomnes.