– Dette er ei skikkeleg gladsak, og gjev nye moglegheiter for utvikling av Fosshaugane Campus, seier styreleiar i Sogndal Fotball, Tor Arne Ness.
Sogndal Fotball har i vinter jobba med å skaffe dei midlane som må til for å få prosjektet i boks.
Aukar kapasiteten
– Det vil koste mellom seks og sju millionar kroner å byta til kunstgras, sa dagleg leiar Egil B. Mundal til NRK.no i november.
No er altså finansieringa i boks. Gjennom reduserte driftskostnader, samt at auka kapasitet gir støre inntekter, har ein klart å få økonomisk berekraft i prosjektet.
– Dette er ei framtidsretta løysing, med sambruk og utvikling i fokus. I tillegg får A-laget trene på kamparena, samt at dei får ein betre og meir effektiv treningskvardag, seier Ness.
- LES OGSÅ:
- LES OGSÅ:
Gir eit nytt løft
Han legg til at kunstgraset vil vere trenings- og kamparena for A-laget, og kamparena for aldersbestemte lag.
– Med kunstgras på Fosshaugena Campus vil det også kunne gi eit nytt løft i samarbeidet med skulane på Campus og idretten i Sogn og Fjordane, seier Ness.
Arbeidet tek til etter siste heimekamp mot Sandnes/Ulf før ferien 23. mai. Planen er at kunstgrasbana skal ha opning under Lerum Cup, og heimekampen mot Fredrikstad laurdag 30. juni.
- LES OGSÅ:
- LES OGSÅ: