For no er det ti poeng mellom laga og berre ni poeng att å spele om. Uansett kva som skjer dei siste tre kampane, kan Kristiansund ikkje ta att Sogndal.
NRK kjem tilbake med reaksjonar og meir om kampen seinare.
I første omgang var det to lag tydeleg prega av nervar på AKA Arena. Babacar Sarr stanga inn 1–0 på corner etter 18 minutt. Men berre minuttet etter utlikna Fitim Kastrati for heimelaget.
Då Mahatma Otoo var frampå og gav Sogndal 2–1 like før pause, gjekk stemninga heilt i taket blant dei tilreisande bortesupporterane. For på om lag same tid auka Åsane til 2–0 og eliteseriespel neste år var endå eit steg nærmare.
Etter berre ti minutt av andre omgang scora Hønefoss sjølvmål. Mot slutten av kampen scora Sogndal to raske med Kristian Fardal Opseth og Mahatma Otoo. Eit trøystemål for Hønefoss hadde ingen betydning, og Sogndal vann 5–2. No er det eliteserien neste.