Politiet blei varsla om skredet av ein skigåar like etter klokka 14 laurdag.
Ingen personar blei skada i skredet som gjekk på fylkesgrensa mellom Oppland og Sogn og Fjordane ved fjellet Kalven.
300 meter
Skredet var kring 150 meter breitt og 300 meter langt.
– Det var berre flaks at ingen blei tekne i skredet, seier Haagen Løvset, operasjonsleiar i Gudbrandsdal politidistrikt.
Skiløparen som varsla politiet om skredet hadde sett ein annan skiløpar lengre oppe, like ved der skredet gjekk, ifølgje politiet.
– Hadde flaks
Luftambulansen rykka ut til staden og gjorde elektroniske søk i skredet, utan hell.
– Vi blei seinare kontakta av skiløparen som hadde vore i nærleiken av snøskredet, han har vore heldig og var komen seg i tryggleik seier Løvset.