NRK Meny
Normal

Småbåt heldt på å søkke etter grunnstøting

Ein småbåt blir no hjelpt til land av kystvakta. Båten hadde teke inn ein del vatn etter å ha gått på grunna like utanfor Florø.

Bergar synkande båt i Florø

FÅR HJELP: Ein småbåt som såg ut til å søkke, får her hjelp av fleire fartøy.

Foto: NRK-tipsar

Redningsskøyta Halfdan Grieg, kystvakta, ein privatbåt og ein oppdrettsbåt var alle med på redningsoppdraget.

Tipsaren som har sendt inn bilete seier båten låg djupt i vatnet og såg ut til å søkke.

Situasjonen er no under kontroll, opplyser Bjørn Magnussen frå Hovudredningssentralen litt over halv fire.

Kystvakta vil no hjelpe båten på land. Det var to personar og ein hund ombord i båten då den grunnstøtte.

– Båten har fått ein del skader i hekken og har tatt inn ein del av vatn. Ein av dei som var ombord får førstehjelp på grunn av mindre kuttskadar. Den andre ombord er uskadd, seier Magnussen.

Laster kart, vennligst vent...

FEKK PROBLEM: Redningsaksjonen føregjekk like ved øya Stonga utanfor Florø.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.