NRK Meny
Normal

Slik var natta for politiet i Sogn og Fjordane

– Med tanke på det fine vêret og kor mykje folk som var ute, har det vore ei roleg natt for politiet, seier operasjonsleiar Tatjana Knappen i Vest politidistrikt.

Men litt har det likevel vore å gjere. I løpet av natta har fleire personar fått beskjed om både å halde seg vekke frå sentrum og hotell.

– Til saman tre personar i Sogndal fekk beskjed om å halde seg vekke frå sentrum. I Årdal nekta ein mann å forlate baren på eit hotell, og politiet måtte rykke ut. Det same gjeld ein rusa mann i Stryn som nekta å gå frå puben, seier ho.

I Sogndal kom politiet over ein mann med ei ølflaske.

– Han fekk beskjed om å tømme innhaldet ut, men i staden drakk han frå flaska framfor politiet. Dermed blir han meldt for drikking på offentleg stad.

To personar har også blitt meldt for å ha urinert på offentleg stad, ein i Førde og ein i Måløy.

– Og laurdag kveld fekk politiet melding om ein fest der mindreårige drakk alkohol. Politiet reiste til staden og tømde etter kvart lokalet. Her blir det ikkje oppretta sak, seier ho.

Vegopning på Bergum i Førde kommune