Slik tek du betre mobilbilete på tur

– Ein kan ta kjempefine bilete med mobiltelefonen, også har ein den jo alltid med seg i lomma, seier Eirik Volent.

Saman med brørne Kjetil og Yngve driv han selskapet Zsoltsons Production, der dei spesialiserer seg på fotografering av skikøyring og anna sport. Skisesongen er godt i gang, og for mange kan det vere triveleg å ta vare på dei gode minna.

• Les også: Åtte enkle mobilfototips
• Les også: Slik får du optimale mobilbilete

Tre gode råd

– Det er tre ting ein alltid burde tenke på når ein tek eit bilete, seier Volent.

Kom deg nærmare

Når ein tek bilete langt ifrå motivet, kan det fort bli kjedeleg. Ved å vere tett oppe i den/det du skal fotografere, blir bilete straks meir spennande. Ein fyller biletramma og bilete blir meir dynamisk.

Perspektiv

I mange tilfelle kan det lønne seg å eksperimentere med perspektiv. Det vil seie at ein ikkje tek bilete rett på i augehøgde, men plasserer kameraet over eller under motivet.

Det gylne snitt

Ved å plassere motivet litt ut til ein av sidene i biletflata, blir bilete meir harmonisk. På mange mobiltelefonar kan ein få fram eit "grid", som ein kan bruke til å sikte seg inn. Om ein da legg motivet på eit av punkta der linjene kryssar, ligg motivet i det gylne snitt.