– Her i Oslo er det fullt av ville fjordingar. Eg ser kjentfolk uansett kor eg snur meg. Det er både innflytta og utflytta nordfjordingar. Dette er verkeleg ei spesiell oppleving og heilt magisk, seier Janne Endal Andersson.
Tidlegare i veka hadde ho lagt ut ei melding på Facebook om at alle nordfjordingar i Oslo kunne møte i Spikersuppa kl. 12 til eit kickoff. For i kveld står nemleg Oselie Henden (14) frå Eid på scena i Telenor Arena i MGPjr-finalen.
– Vi var spente på om det kom nokon, men då eg kom gåande ti på tolv, såg eg berre kjentfolk uansett kvar eg snudde meg.
PÅ SCENA I KVELD: Songen som Oselie Henden skal opptre med i Telenor Arena i kveld, heiter «Verda vår». Ho blei inspirert av flyktningkrisa til å skrive songen.
Foto: Ole Kaland / Ole Kaland, NRKNo ladar heile heiagjengen opp til kvelden, for når Oselie går på scena i kveld, får ho støtte frå eit hav av nordfjordingar.
– Det er seld 350 T-skjorter med Oselie på. Vi har 500 Oselieplakatar i kvitt. Ser ikkje folk oss, så kjem dei garantert til å høyre oss, ler Endal.
Oselie er ikkje den einaste frå Eid som fram på scena. Ho får selskap av Vilde og Anna som vann fjorårets finale. Dei skal mellom anna skal dele ut pris til årets vinnar.
–– Det blir ei heilt fantastisk og spesiell stemning. I fjor var det Nordfjord og Eid som løfta stemninga i Oslo, og det blir garantert ikkje verre enn i fjor, lovar Endal.
HEIA OSELIE: Det er ikkje tvil om kven desse skal heie på i kveld.
Foto: Odd Helge Henden- Les også:
- Les også:
Sjå finalen i nett-TV eller på NRK1 frå kl. 19:55.
SJÅ FINALEN DIREKTE: Sjå sendinga i nett-TV eller på NRK1 frå kl. 19:55 i kveld.
