Havarikommisjonen (SHT) har no starta arbeidet inne i Gudvangatunnelen.
– Brannen har hatt svært stor varmeutvikling, og har vore omfattande. Berre metallet står att av vogntoget. Men det er for tidleg å seie noko om kva som er årsaka til brannen endå, seier inspektør i Havarikommisjonen, Martin Visnes.
Statens Havarikommisjon for transport er kopla på saka då skadepotensialet var svært stort då eit vogntog tok til å brenne inne i Gudvangatunnelen på E16 måndag, og situasjonen var svært krevjande for både trafikantar og redningsetatar.
Så mange som 15 køyretøy står att i Gudvangatunnelen. Politiet er i ferd med å undersøkje saka.
(Artikkelen held fram under biletet)
- LES OGSÅ:
- LES OGSÅ:
Må vere trygge på at det ikkje fell ned stein
Lensmannen i Årdal er etterforskingsleiar, og han er oppteken av tryggleiken i området.
Ein geolog var tidlegare i dag på plass i tunnelen for å vurdere om det var trygt å sleppe folk inn for å starte etterforskinga av brannen.
– Vi må vere trygge på at vi ikkje får nedfalla av stein frå tunneltaket. Det har vore sterk varme inni der, og vi må jobbe trygt slik at det ikkje blir fleire ulukker, seier Magne Knudsen, som er lensmann i Årdal.
Barn blant dei skadde
66 personar er innlagde på fire ulike sjukehus. Ti av desse skal ha fått alvorlege skadar etter ulykka.
Seks pesonar ligg på Voss sjukehus. Tilstanden for desse, deriblant ei sju år gammal jente, vert karakterisert som alvorleg.
I tillegg skal ti presonar vere innlagde med lettare skadar.
Ved Haukeland univsersitetssjukehus er 18 personar innlagde. Det er uklart kor alvorleg skadde desse er.
Ved Førde sentralsjukehus ligg 29 pasientar, tre av dei born.
(Artikkelen held fram under biletet)
- LES OGSÅ:
- LES OGSÅ:
Har starta avhøyr av vitne
Politiet har hatt møte med Statens Havarikommisjon for Transport, og dei er i gang med avhøyr av aktuelle vitne.
– Det er dei som har vore nærast brannstaden, og dei som har passert traileren, seier Knudsen.
NRK oppdaterer saka