NRK Meny
Normal

Slik gjekk MC-gjengen saman mot mobbing

MC-klubben Njords Men fekk med seg til saman 27 motorsyklar og andre køyretøy i paraden for å markere sin motstand mot mobbing.

For Njords Men er det viktig å gje noko tilbake til ungdomane i deira eigen kommune.

SJÅ VIDEO: Tok syklane fatt og samla inn pengar til kommunen. Foto/Redigering: Bjarne Eldevik.

– Ein MC-klubb er tufta på kameratskap og gjensidig respekt og hjelp. Det står veldig i kontrast til mobbing, seier Kjell Roger Larsen, president i MC-klubben Njords Men.

Laurdag tok klubben syklane fatt og laga ei MC-parade mot mobbing. Utgangspunktet deira er eit landsomfattande arrangement som går av stabelen på søndag. Her vert det også store paradar der inntektene går til Odin-stiftinga.

For Njords Men var det viktig å gje noko tilbake til ungdomane i deira eigen kommune.

– Vi i Njords Men bestemte oss for å køyre eit lokalt arrangement, der alle inntekter går til lokale prosjekt i kommunen som jobbar med førebyggande tiltak mot mobbing, fortel Larsen.

(Artikkelen held fram under bileta)

Njords Men MC

Køyrde gjennom kommunen

Oppstartspunktet for paraden var i Svelgen. Her kom det gjestar frå både Stryn, Florø, Eid og single syklar som ikkje er tilknytt nokon klubb. I tillegg til gjengen i Bremanger.

Frå Svelgen køyrde dei innom Bremanger før dei kom til endestasjonen Kalvåg der hovudarrangementet var.

Oppslutninga på MC-paraden var over all forventning og mykje folk kom innom for å få med seg det heile. I paraden var det rundt 27 syklar, og i tillegg kom det fleire syklar til under sjølve arrangementet.

– Vil vise at vi bryr oss

Njords Men har ti fullverdige medlemar i hovudklubben, men har også oppretta ei supportergruppe Frøya Support NMMC som består av ektefellar og sambuarar til MC-klubben.

– Dei er sjølvsagt heilt uunnverlege under slike arrangement, rosar Larsen.

Alle syklane som deltok i paraden måtte betale ei startavgift på 50 kroner i tillegg til at dei hadde loddsal. Alle pengane dei fekk inn skal gå til kommunen og prosjekt mot mobbing.

Det har vore mykje negativ skriving om MC-klubbar i lang tid, for oss var det viktig å vise lokalsamfunnet at vi bryr oss og tar vare på lokalsamfunnet vårt. Så det føler vi at vi har klart i dag, seier han.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.