Der får bebuarane rømmegraut, oppleve levande musikk, dans og unge brudepar.
Åtte år gamle Emil Helgheim går i andre klasse på Sandane skule. Han fekk for første gong æra av å vere brudgom på den tradisjonelle feiringa. Brudefølgjet fekk stor applaus når dei var ferdige med innmarsjen.
– Det var kjekt å sjå at dei gamle vart glade, seier han.
- Les også:
For bebuar Rasmus Bergheim byr jonsokfeiringa alltid på gode opplevingar. For høvet var han staseleg pynta med slips og skjorte.
– Vi må kle oss opp, det er jo så mange fine damer til stades her, veit du, seier han.
(Artikkelen held fram under biletet)
- Les også:
Einingsleiarane Cecilie Helgheim og Iren Knutsen Utheim fortel at jonsokfeiringa på omsorgssenteret har lange tradisjonar. Det vert lagt ned ein skikkeleg innsats i forkant for å gje bebuarane ein ordentleg fest å sjå fram til.
– Dei tykkjer det er veldig triveleg og det er noko dei tenkjer på kvart år når det nærmar seg. Det er ein sosial happening, seier Cecilie Helgheim.