Desse strekningane er stengt eller har redusert framkome klokka 11.25:
- Riksveg 5 Ferjestrekningen Mannheller-Fodnes: redusert kapasitet - ferje B er innstilt. Vil ikkje bli sett inn ny ferje før tidlegast 1. nyttårsdag.
- Riksveg 13 Vikafjellet: Stengt på grunn av uvêr. Blir ikkje opna nyttårsaftan.
- Riksveg 52 Hemsedalsfjellet: Kolonnekjøring på grunn av uvêr.
Onsdag og delar av torsdag var også fleire andre vegar i Bremanger, Vågsøy og Selje stengde på grunn av velta tre og andre gjenstandar i vegbanen. Men desse er opna att.
Vinden vil auke på igjen
Vinden herja kraftig over heile fylket i går, nokre stader meir enn andre. Også for torsdag er det sendt ut OBS-varsel frå meteorologisk institutt.
Torsdag ettermiddag er det venta ny auke til søraust liten storm. Det er meldt lokale vindkast på 25 til 30 meter per sekund i låglandet og fare for snøfokk og vanskelege køyreforhold på fjellovergangane.
For torsdag er det også meldt regn og regnbyger, snøbyger over 500-800 meter.