– Vi ønskjer å setje fokus på sameksistens mellom folk og kulturar. Sameksistens er både spennande og utfordrande, og det gjer oss rikare, seier festivaldirektør Hilde Bjørkum i ei pressemelding.
Ho utdjupar vidare:
– Gjennom musikkuttrykk og tradisjonar vil vi vise at menneske og kulturar til alle tider har påverka kvarandre; ingen sivilisasjon lever i vakuum, men er tvert om avhengig av samspel med omverda, seier Bjørkum.
Desse kjem til festivalen
Førdefestivalen vert arrangert 5. - 8. juli, og er den 23. festivalen i rekka.
Temaartistane på Førdefestivalen kjem frå alle kontinent. På programmet står mellom andre Yasmin Levy og den sefardiske musikken, The Other Europeans, greske Apsilies og Damily frå Madagaskar.
(Artikkelen held fram under biletet)
- LES OGSÅ:
- LES OGSÅ:
The Nordic Fiddlers' Bloc kjem til Førde med medlemmer frå Norge, Sverige og Shetland.
Andre norske artistar blir spellemannsprisvinnar Ragnhild Furebotten og telemarkingen Aasmund Nordstoga.
Medviten haldning til profil
Ifølgje pressemeldinga ønskjer Førdefestivalen å gje rom for dei mange stemmene som ikkje alltid vinn fram i den kommersielle marknaden.
– Vi skal vere eit alternativ til mainstreamkulturen, og gje folk sjansen til å oppleve musikk og musikarar dei kanskje ikkje kjenner frå før, seier direktør Hilde Bjørkum.
Ho held fram:
– Kvalitet og variasjon er viktig når vi legg program og vel artistar, og alle avgjerder tek vi på grunnlag av fagkunnskap og medviten haldning til profil og mål, seier Bjørkum.
- LES OGSÅ:
- LES OGSÅ: