- LIke sidan midt på 90-talet har det vore ein jamn auke i talet på kvinner med innvandrarbakgrunn. Men først i 2006 var kvinner med utanlandsk opphav i fleirtal, seier Tove Smaadahl til Bergens Tidende.
Ho er dagleg leiar for det nasjonale Krisesentersekretariatet, og opplyser at dei registrerer den same utviklinga over heile landet.
Kvinnene manglar nettverk
BT har sjekka med andre krisesenter, og funne ut at i Stavanger har over 80 prosent innvandrarbakgrunn. På Stord er talet like i underkant.
Det viser seg dessutan at kvinner med utanlandsk bakgrunn bur stadig lenger på krisesentra. Og ofte med ungane.
- LES OGSÅ:
- LES OGSÅ:
- Dei manglar nettverk. Vi har døme på kvinner som har vore her i eitt år, seier leiar Wenche Skorpen Hovland ved Krisesenteret i Florø.
Blir heilt hjelpelause
Halvparten av dei utanlandske kvinnene som i år har søkt tilflukt til Krisesenteret i Flor, bur saman med norske menn.
- LES OGSÅ:
- LES OGSÅ:
- Det er langt frå slik at det berre er utanlandske menn som tyr til vald, seier Hovland til Bergens Tidende.
Ho opplever at kvinner med minioritetsbakgrunn snakkar dårleg norsk, har lite kjennskap til korleis ting fungerer i Norge og at mennene har ordna alt for dei.
- LES OGSÅ:
Når dei så må klare seg sjølv, blir dei heilt hjelpelause.
- Kvinner som bryt ut av slike ekteskap, treng veldig mykje help, seier Skorpen Hovland.
