Elevar frå helse- og oppvekstfaget på Mo og Øyrane vidaregåande skule har pause i kantina
Foto: Bente Kjøllesdal / NRK

Skule og utdanning Sogn og Fjordane

Oppsummert

Her får du siste nytt om skule og utdanning i Sogn og Fjordane. Har du tips kan du sende dei til oss på sf@nrk.no eller på vår tipsportal.

  • Blei noregsmeistrar i elektrofag

    Sølve Andre Dale og Ola Nedberge Hille frå Høyanger vidaregåande skule tok i dag førsteplassen under skule-NM i elektrikarfaget. Konkurransen blei arrangert ved Glemmen vgs. i Østfold. Vinnarane skal feirast med kake i lunsjen i morgon.

    Sølve Andre Dale og Ola Nedberge Hille
    Foto: Sten Hansen
  • Blei noregsmeister i kokkefaget

    Daniel Bjørnset frå Florø har i dag blitt noregsmeister i skule-NM for kokkefaget. Meisterskapen blei arrangert i Tønsberg. Bjørnset er elev ved Måløy vidaregåande skule, og dette er andre året på rad at skulen får noregsmeisteren innan dette faget.

    Daniel Bjørnset
    Foto: Bente Iren Vonheim
  • Fekk pris for oppskrifter

    Tiandeklassingen Kristine Sunde frå Halbrend skule i Førde let seg inspirere av oppskrifter frå bestemor si. Ho imponerte juryen på elevbedriftsmessa i Naustdalshallen i dag. Elevbedriftsmessa har deltakarar frå heile fylket. Kristine Sunde vann tusen kroner som ho skal bruke til å publisere kokeboka.

    Tiandeklassingen Kristine Sunde frå Halbrend skule i Førde let seg inspirere av oppskrifter frå best
    Foto: Tonje Noreng Trøen / NRK
  • Pengar til nye studentbustadar

    Kunnskapsdepartementet gjev tilskot til å byggje 19 nye studentbustadar i Førde. Det er studentsamskipnaden Saman som har søkt om støtte til å byggje fleire studentbustadar i Førde og i dag fekk dei beskjed om at søknaden er innvilga. Til saman gir Kunnskapsdepartementet støtte til å byggje 1448 nye studentbustadar i heile landet.

  • Sikra seg kjend professor

    – Som at Sogndal Fotball signerte Ronaldo. Det seier Vestlandsforsking om at dei har tilsett professor Benjamin Sovacool. Sovacool er ein av dei mest siterte forskarane i energi- og klimapolitikken, og skal jobbe med artikkelskriving og forskingsprosjekt i Vestlandsforsking.