NRK Meny
Normal

Skapte full kaos og lurte beteninga

Ved å skape full forvirring inne i ein butikk på Eid, skal tre personar ha greidd å lure til seg pengar.

Penger

VEKSELSVINDEL: Tre personar lurte til seg meir vekslepengar enn dei skulle ha på amfi-senteret på Eid-

Foto: Anette Torjusen / NRK

Politiet fekk fredag kveld melding om at nokon dreiv med ein litt uvanleg svindelaktivitet på Amfi-senteret på Eid.

– Dei skal ha laga kaos og forvirring og greidd å lure beteninga til å gi tilbake for mykje vekslepengar, seier operasjonsleiar, Bengt Næss i politiet.

Laster Twitter-innhold

Ønskjer tips

Ei politipatrulje leitar no etter tre menn som køyrer ein grå/blå Ford Mondeo med utanlandske skilt. Dei veit enno ikkje kven desse tre personane er, som har greidd å overliste beteninga på kjøpesenteret.

Politiet har varsla andre politidistrikt om saka, i håp om å få tips i saka.

– Dei skal ha snakka gebrokken engelsk og var veldig pågåande ifølge den tilsette i butikken, seier Bengt Næss.

Uvisst omfang

Det er førebels uvisst kor mykje pengar dei tre personane skal ha greidd å svindle til seg.

Politiet kjenner ikkje til om dei har prøvd å svindle andre butikkar på senteret.

– Folk som driv med denne type svindel, er vanlegvis kort tid på same stad, seier Kai Henning Myklebust, operasjonsleiar ved politiets operasjonssentral i Sogn og Fjordane.

Forholdet er blitt meldt og politiet etterforskar saka vidare.

Terje Søviknes vitja Utvik
Vilde og Anna framfører Vestlandet på Malakoff festivalen.
bilder av jordbæråker i utvik som er rasert av flommen. Bilder av elveleier frå dagen derpå og flomdagen. intervju gardbrukar viser oss rundt på garden. mobilvideo av drivhus som blir skylt på fjorden.