– Vi trenar mykje målt mot andre i volleyball-Norge. Og kvalitetsmessig ligg vi garantert godt an, seier trenar Jan Egil Tvinde.
Han ser spelarane gjere unna ei av dei siste treningsøktene før seriestart i eliteserien. Etter ein sportsleg nedtur sist sesong, skal Førde no rett tilbake i teten.
Eitt av grepa er å trene meir og betre.
No er spelarane oppe i fem økter med ball kvar veke, tre styrkeøkter – og i tillegg kjem kampaktivitet i helgane.
- Les også:
Eks-proff viser dei yngste kor lista skal liggje
Eit anna grep er å hente heim igjen to av klubben sine eigne spelarar, som dei siste åra har prøvd seg som profesjonelle i europeiske klubbar: Lars Fredrik Tvinde har komme heim frå kypriotiske Pafiakos, medan Mathias Loftesnes har vendt heim etter å ha teke bronse med Karlovarsko i Tsjekkia.
- Les også:
– Overgangen er enorm. I fjor spelte eg berre volleyball, medan no studerer eg i tillegg til at eg trenar like mykje. Så det er knalltøft. Men det går rundt, og eg trivst med det, seier Loftesnes.
– Han betyr mykje. Både som ein veldig god volleyballspelar og i forhold til treningskultur og det å vere ein pådrivar på trening. Han viser kor lista skal liggje om du vil ut av landet og prøvde deg som proff, seier Tvinde.
- Les også:
Har heva nivået «dramatisk» på treningane
Trenaren meiner Førde no ligg heilt i front med treningsarbeidet som blir lagt ned i klubben. Ambisjonane er også høgare enn for berre eitt år sidan.
Målet er å nå cupfinalen, bli topp tre i serien og komme til sluttspelfinalen.
– Eks-proffane våre betyr mykje. Både for laget og for treningsmentalitet og treningskultur – og det å heve nivået dramatisk på trening, seier Tvinde.
– Har Førde trent for lite til no?
– Det har iallfall vore vanskeleg å få til eit opplegg med nok trening og høg nok kvalitet.
- Les også:
– Høyrer heim i toppen, og har god nok tropp
Det er to år sidan Loftesnes siste spelte for Førde. Då banka han inn 316 poeng og vart beste poengplukkar i eliteserien. Det kan han fort bli også denne sesongen.
Sjølv har han stor tru på at Førde tek steget opp att i toppen av tabellen.
– Held vi fram med å trene så hardt, så trur eg vi kan bli veldig gode. Vi høyrer heime i toppen, og no har vi ein god nok tropp, seier kantspelaren.
Han legg til:
– Ingenting hadde vore artigare enn å vippe Nyborg ned frå trona.
– Trur du de tar Nyborg?
– Eg veit vi tar Nyborg. Spørsmålet er om vi tar dei i alle kampane...