– Klokka 18 hadde laga spelt i seks timar. Då var ein fjerdedel unnagjort, fortel Magne Hornnes, volleyballærar ved Sunnfjord Folkehøgskule.
- LES OGSÅ:
- Du kan følgje heile verdsrekordforsøket direkte i nett-tv-spelaren ovanfor!
Fryktar natta
Skulen er dermed godt inne i sitt andre verdsrekordforsøk på to månader. I september elevar rekord med ein 90 timar lang volleyballkamp. Men mens den gjekk føre seg på tradisjonell parkett – og med innbytartarar, går det nye rekordforsøket føre seg i sanden, i sandvolleyballhallen på Vie i Førde.
Byte av spelarar er ikkje tillate. To damelag og to herrelag spelar kontinuerleg mot kvarandre på kvar si bane.
– Knekken kjem i natt og tidleg i morgon. Då byrjar det nok å røyne på. Vi har oppmoda elevane ved folkehøgskulen om å komme i hallen så tidleg som mogleg for å vere med på å heie dei vidare.
- LES OGSÅ:
(Artikkelen held fram under videospelaren.)
VIDEO: Volleyballærar Magne Hornnes ved Sunnfjord Folkehøgskule om verdsrekordforsøket i sandvolleyball.
Får berre korte pausar
For å setje ny verdsrekord må spelarane halde det gåande meir eller mindre i eitt.
– Dei får fem minutt pause for kvar spelte time. Då må ein få unnagjort toalettbesøk, mat og slike ting. Drikke gjer ein når ein byter side. Vi rår dei til å ikkje prøve å sove. Det er viktig at ein held varmen i pausane.
Det magiske klokkeslettet blir først nådd klokka 13.00. Då passerer dei gjeldande verdsrekord.
Spent på kven som held ut lengst
Ifølgje Hornnes laga likevel ingen planar om å gi seg straks ein eventuell verdsrekord er nådd.
– Her blir det interessant også å sjå kven som held ut lengst og er seigast, damene eller herrane.
– Er det sundt å tøye grensene slik?
– For oss handlar det om å gi elevane utfordringar. Damer som menn. Dei som skal i militæret møter til dømes helvetesveka. Kjensla når ein har klart noko slikt er viktig. Det handlar om meistring, seier volleyballæraren.
VIDEO: Slik såg det ut under rekordforsøket onsdag ettermiddag.
Laga består av seks elevar frå Sunnfjord Folkehøgskule, og to eksterne spelarar.
Dette er damelaga:
- Veslemøy Engh og Karoline Halvorsen
møter: - Ingvild Gilje og Ane Spurkeland
Gilje og Spurkeland er tidlegare elevar ved SFH, men spelar til dagleg for BSI Volley i Bergen.
Dette er herrelaga:
- Ivan Bostad og Harald Johansen
møter: - Kjetil Tellnes og Andreas Svanes
