- Her trur me absolutt der er eit potensiale. Mange av tilbydarane våre har alt kontaktar og kundar i utlandet. Me må jobbe vidare med å lage pakke, for når det gjeld vinterturisme er det viktig. Det må vera lett å kjøpa, seier dagleg leiar i reisemål Sogndal og Luster, Iren Vatne.
Satsar saman
25 selskap i Sogndal og Luster har no slått seg saman og satsar tungt for å marknadsføre regionen som vintersportstad. Prosjektet har ein prislapp på 1,6 millionar kroner dei to neste åra, og nyleg sa Innovasjon Norge ja til å gå inn med 750 000 kroner.
- Me har jobba nokre år med eit lite prosjekt som heiter "Ski i Sogn", men no har me fått ein kjempesjanse til å løfte dette opp og verkeleg få gjort noko med det, seier Vatne.
Viktig for regionen
- Dette er ei flott satsing. Me har gode naturgitte forhold og det å få sett heile regionen under eitt er absolutt positivt, seier ordførar i Luster, Torodd Urnes.
- Me har eit heilt unikt område som nesten ingen utnyttar på vinterstid. Me har ein marknad her og det gjeld berre å kome i gang og få gjort noko, seier Vatne i Reiseliv Sogndal og Luster.