NRK Meny
Normal

Skal levere verdas største brønnbåt

Havyard i Leirvik skal byggje verdas største brønnbåt til ein verdi av ein halv milliard.

whitsunday passage whitsunday passage

SKAL FRAKTE FISK I AUSTRALIA: Ved Leirvik i Sogn skal verftet byggje verdas største brønnbåt som skal frakte fisk i Australia.

Foto: stephen gibson photohome.co.uk / freeaussiestock.com

Det er Sølvtrans som har bestilt brønnbåten som no skal byggjast ved verftet i Hyllestad kommune.

– Ein underleverandør skal levere skroget frå Tyrkia, så vert båten ferdigstilt i Leirvik, seier Frank Edvard Vike, som er salssjef ved Havyard.

Båten vert 116 meter og 23 meter brei, og får plass til 7450 kubikkmeter vatn i fisketankane. Havyard jublar over kontrakten til 500 millionar.

– Dette er ein jobb som er viktig for oss, så det er ein stor dag for alle i Havyard, seier Vike.

Etter levering skal Havyard-båten segle for oppdrettsselskapet Huon ved Tasmania utanfor Australia. Båten får utstyr som kan produsere nesten 17 millionar liter ferskvatn per døgn.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.