– Hovudutvalet er opptekne av at det er viktig å realisere denne strekninga, og fleirtalet ser positivt på initiativet med bompengar, seier hovudutvalsleiar Arnstein Menes (Sp).
- LES OGSÅ:
- LES OGSÅ:
Må betale halvparten
Hovudutvalet rår fylkestinget til å finansiere kystvegen mellom Florø og Måløy med minst 50 prosent brukarbetaling.
Samferdslepolitikarane slutta seg til tilrådinga frå fylkesrådmannen om å gå for bompengar for å realisere vegstrekka mellom dei to kystbyane.
Dette vedtaket vart gjort mot ei røyst. Frank Willy Djuvik frp Framstegspartiet var den einaste som røysta imot.
- LES OGSÅ:
Viktig med lokalt initiativ
Kommunane Bremanger, Vågsøy og Florø har tidlegare gjort vedtak om at dei er positive til brukarbetaling.
– Eg meiner det er viktig at lokalt initiativ skal vere grunnlaget for å finansiere dette ved hjelp av bompengar, og vedtaket i kommunane gjer at vi kan støtte opp om dette, seier Menes.
Han legg vekt på at tilrådinga om prioritere å realisere kystvegen, ikkje skal konkurrere med tidlegare prioriterte tiltak.
– Vi blir stadig utfordra på prioriteringar framover, men dette skal ikkje gå utover noko av det vi har vedteke å prioritere tidlegare, seier han.
- LES OGSÅ:
Fylkestinget avgjer
Politikarane ønskjer at bompengeselskapet skal leggje fram ei pakke for korleis resten av prosjektet skal finansierast, og hovudutvalet rår til at dette skal gjerast i samråd med fylkesrådmannen og fylkesutvalet.
Dette vart også vedteke mot ei røyst.
Fylkesutvalet skal handsame saka onsdag 25. mai, før fylkestinget tek endeleg stilling til ho i juni.