Det gamle driftsbygget på flyplassen er frå 1986 og tilfredsstiller ikkje dagens krav til HMS og krav om utslepp.
– Lufthamna er bygd på ein enkel måte og vi har brukt mykje tid på å få bukt med utsleppskrav som ikkje var der då flyplassen vart bygd. Det kjem i orden no, seier Kjell Otto Gjesdal, lufthamnsjef på Førde lufthamn.
– Det betyr at vi får løfta infrastrukturen som er naudsynt for å driva flyplassen. Det er snakk om blant anna ny brannstasjon, verkstad og mannskapsrom.
Planlagt oppstart for arbeida er vår 2018 og om lag 1 år byggetid. Arbeidet skal etter planen lysast ut i nær framtid og prisen vil passera 20 millionar.
