Elev- og lærlingombod får ansvar for mobbesaker

Fylkestinget vedtok onsdag at elev- og lærlingombodet i fylket også skal ha mobbesaker som ei av sine oppgåver.

Fylkespolitikarane har tidlegare stemt ned eit framlegg frå KrF om å opprette eit eige mobbeombod.

• LES OGSÅ: Meiner skulane gjer ein altfor dårleg jobb i arbeidet mot mobbing
• LES OGSÅ: – Sviktar i arbeidet mot mobbing

– Eg trur framleis at eit mobbeombod som hadde med seg både grunnskule og vidaregåande skule, hadde vore det beste. Men dette er eit godt alternativ for dei vidaregåande elevane som vi har ansvar for, seier Trude Brosvik (Krf).

Skal førebyggje

Med ansvar for vidaregåande elevar frå 16-19 år, vart elev- og lærlingombodet vart oppretta i 2007.

• LES OGSÅ: Vedtar mobbebot på 100 000 kroner
• LES OGSÅ: Foreldre har politimeldt lærar, rektor og kommune for mobbing

Fylkespolitikarane ynskjer at ombodet skal arbeide aktivt for å førebyggje mobbing, og tilby kompetanse og hjelp i mobbesaker.

– Det er ei god formulering i vedtaket at ombodet skal vere proaktivt i denne type saker. Det er også sagt at om elev- og lærlingombodet ikkje har kompetanse, så skal det tilførast kompetanse, seier Brosvik.