Våren 2009
I Sogn og Fjordane varslar Helse Førde at dei vil gjennomføre ein strategiprosess for å kartleggje korleis det framtidige sjukehustilbodet i fylket skal vere.
- LES OGSÅ:
Hausten 2009
Arbeidet med strategiprosessen i Helse Førde tek til. Det vert nedsett arbeidsgrupper som skal kome med sine forslag.
Januar2010
Styret i Helse Førde ber administrasjonen i Helse Førde kome med ei utgreiing om det somatiske helsetilbodet i Sogn og Fjordane.
Styret i Helse Førde vedtek strategiprosessen på styremøte. Målet er at arbeidet skal munne ut i eit vedtak som skal sikre trygg økonomi og eit godt helsetilbod til innbyggjarane i Sogn og Fjordane.
Helse Førde får signal om at den forsterka fødestover skal avviklast. Administrasjonen ønskjer å leggje ned tilbodet i Lærdal. Førdetilbodet i Eid vert førebels ikkje råka, men det er klare føringar på at det skal leggjast ned innan 2020.
- LES OGSÅ:
Mars 2010
Helseminister Anne Grethe Strøm Erichsen er på vitjing i Førde. Same dag legg Helse Førde fram tre ulike forslag til ein framtidig sjukehusstruktur i Sogn og Fjordane. Styret i helseføretaket vel modell ein. Det inneber eit forsterka sentralsjukehus i Førde samt ei nedbygging av lokalsjukehusa i Eid og i Lærdal.
Helseministeren seier i etterkant av framlegginga at
Senterpartiet i Sogn og Fjordane har møte på Skei. Der uttalar partileiar Liv Signe Navarsete at ingen lokalsjukehus skal leggast ned, og at Soria Moria-erklæringa skal følgjast. Ho vedgår at ho har vore i samtale med helseministeren same dag om saka.
Det er sterke reaksjonar på forslaget til Helse Førde om å legge ned. Det kjem spesielt reaksjonar frå Sogn og Nordfjord.
April 2010
Helse Førde har styremøte der dei vedtek ein sjukehusmodell som inneber nedbygging av sjukehusa i Eid og i Lærdal.
Juni 2010
Styret i Helse Førde ber om administrasjonen kome med ei klårare oppgåvefordeling mellom sjukehusa i fylket. Mellom anna vil dei ha svar på om det er naudsynt å ha ortopeditenester ved alle sjukehusa.
November 2010
Administrasjonen i Helse Vest kjem med si tilråding til sjukehustilbodet på Vestlandet skal vere.
Dei foreslår å leggje ned den forsterka fødestova i Lærdal, legge ned fødeavdelinga i Eid, gjere den forsterka fødestova i Odda om til ei ordinær fødestove styrt av jordmor.
Heile dette fødetilbodet kan bli lagt ned i løpet av eitt til to år når Helse Fonna skal ha ei varsla gjennomgang av strukturen i helseføretaket.
1.desember 2010
Helse Vest har styremøte der administrasjonen sitt forslag skal handsamast.
Vinter 2010/2011
Strategiplanen, Helse Førde 2020, kan fyrst setjast i gang når Helse Vest har revidert sin eigen strategiplan, truleg i juni 2011.