Sjukehuset i Florø likevel til sals

Helse Vest presiserer at dei berre ynskjer å undersøkje kor vidt nokon er interesserte i bygget.

• Les om historia til Florø sjukehus

– Det ligg ingen konkrete eller direkte handling i dette om vi faktisk skal selge eller ikkje. Vi er altså berre ute for å undersøke om det er interesse for bygget, seier Oddvar Nilsen, styreleiar i Helse Vest.

Store diskusjonar om bygget

Sidan sengeposten på sjukehuset i Florø vart lagt ned i 2008 har det vore store diskusjonar kring bygget. Etter at forhandlingane mellom Helse Vest og Flora kommune vart avslutta utan resultat, vert huset no lagt ut på den opne marknaden.

• LES OGSÅ: Kva er eit sjukehus?

Bente Frøyen Steindal, ordførar i Flora kommune, har ikkje gjeve opp sjukehusbygget. Etter forhandlingar med Flora kommune legg no Helse Vest bygget ut på den opne marknaden.

– Både vi og Helse Førde har hatt samtaler med Flora kommune, men dei er ikkje interesserte, seier Nilsen.

– Vi er ikkje uinteresserte

Frøyen Steindal stadfestar at Flora kommune har avslutta forhandlingane med Helse Vest. Likevel legg ho vekt på at kommunen slett ikkje er uinteresserte i huset. Dei er berre usamde i vilkåra kring ei overtaking.

(Artikkelen held fram under biletet)

– Vi har avslutta forhandlingane fordi vi ikkje kunne gå for dei krava som vart sett. Vi er interesserte i kva som skjer og kva som skal vere innhaldet i bygget, seier Frøyen Steindal.

– Det som står fast er at bygget er regulert til offentlege føremål og eg har ikkje gitt opp håpet om å få til noko i bygget som kan vere til nytte for Hrlse Førde, Flora kommune og resten av samfunnet, seier ordføraren.

• LES OGSÅ: - Kutt ut nærsjukehuset

Nilsen seier departementet skal verta involverd ved eit eventuelt sal.