For snart ein månad sidan spelte Kringkastingsorkesteret, KORK, for aller første gong i Sogn og Fjordane. Symfoniorkesteret vitja då Operahuset Nordfjord i Eid, og saman med ei rekkje lokale artistar samla dei fulle hus til ei spesiell konsertoppleving.
Tone Damli, Eva Weel Skram, Sigrid Moldestad og Olav Stedje har alle musikken og heimfylket til felles. Dei har også alle hatt ein draum om å få spele musikken sin saman med eit stort symfoniorkesteret. Og nettopp denne draumen vart verkeleg då KORK kom til Sogn og Fjordane i samband med feiringa av Sogn og Fjordane sitt 250-årsjubileum.
- LES OGSÅ:
- LES OGSÅ:
Tre gonger vart operahuset fylt til randa, og prosjektleiar Stian Sjursen Takle i NRK hadde knapt ord for det dei hadde fått til.
– Det rann ein del tårer nedover kjaken min under den første konserten, sa han til NRK.no i midten av november.
– Eg har aldri fått så mange gode og varme klemmar frå folk eg ikkje kjenner, så det var eit lite eventyr. Og for meg er det kjekkaste å sjå at dette har vore ei stor oppleving for dei som har kome for å sjå og høyre på, la han til.
- LES OGSÅ:
- LES OGSÅ:
Og i kveld kan du få sjå delar av dette musikalske eventyret på fjernsyn. NRK1 sender«Draumen om KORK» klokka 20.05.
Ikkje alt frå den store konserthendinga fekk plass i programmet, og under kan du sjå nokre av dei musikalske godbitane publikum kunne gle seg over i Opera Nordfjord.
Lothe med Jordbær og grasbrann saman med Kringkastingsorkesteret
Thea Hjelmeland med låten Age saman med Kringkastingsorkesteret
Sigrid Moldestad med Så ta mitt hjerte saman med Kringkastingsorkesteret
Oddhild Nyberg spelar fele saman med Kringkastingsorkesteret
Synne Askvoll spelar piano saman med Kringkastingsorkesteret