Sjå ørna svømme med bytte i klørne

– Eg såg plutseleg noko i sidesynet og fekk tak i ein kikkert, fortel maskinsjef og fugleven, Eirik Elnes.

Langt ut på Sognefjorden mellom Måren og Noreide i Høyanger kommune såg Elnes ei ørn som svømte mot land.

Uroa for fuglen

Kapteinen på MS Tansøy førte hurtigbåten mot ørna medan styrmann og maskinsjefen stod på dekk å dokumenterte hendinga.

– Eg trur ørna svømte om lag hundre meter medan vi såg på, men den kan jo ha svømt lenger, fortel Elnes.

• Les også: Såg tolv ørner på éin gong
• Les også: Ørn på lammejakt i Årdalen

Fuglevenen vart uroa for at ørna var skada eller ikkje skulle greie å kome seg i land, så hurtigbåten, utan passasjerar, følgde fuglen heilt inn i fjæresteinane. Men då fekk mannskapet seg nok ei overrasking.

• Les også: Beinhard kamp om hekkeplassane på ferjelemmen

Hadde med seg turmat

– Vi såg plutseleg at ørna hadde hatt med seg eit herremåltid på svømmeturen i Sognefjorden, seier Elnes.

I eit fast grep hadde ørna nemleg frakta med seg ein fisk på den lange svømmeturen.

– Eg antar at ørna har dukka ned i fjorden etter eit bytte, men blitt så våt at ho ikkje klarte å fly sin veg, fortel maskinsjefen.

• Les også: Johan fekk sjå fem ørner sveve rett over seg
• Les også: Dette middagsselskapet overraska fotografen

Elnes fortel at ørna såg frisk og fin ut, men at den sikkert må tørke opp att før den flyr vidare.