Sjå løparane kjempe med stive bein

Trappeløpet vert kvart år arrangert oppover dei 1268 trappetrinna langs røyrgatene i Høyanger.

I fjor vart Thorbjørn Thorsen Ludvigsen den første til å springe under åtte minutt, då han sette rekord med tida 7.53 – det er 0,37 sekund per trappetrinn.

Thorsen Ludvigsen er Norges kanskje beste motbakkeløpar, og han tek turen til industristaden også i år. Arrangøren melder dessutan om rekordstor førehandspåmelding frå Hordaland.

Trappeløpet vert i år sendt direkte i nett-TV på NRK.no. Du kan sjå sendinga øvst i artikkelen laurdag frå klokka 15:30.

• LES OGSÅ: Drog inn 5000,- på under ni minutt
• LES OGSÅ: Hoff vann trappeløpet

Jakt på resultat og rekordar til trass; majoriteten av dei rundt 300 løparane som deltek, ser på løpet som ei bratt sosialiseringsøkt i industrihistorie og flott natur.

For publikum sin del sperrar arrangøren av kvartalet rundt bytorget for trafikk, og konkurransen vil bli vist på ein ti kvadratmeter stor storskjerm på bytorget.