– No kjem dei mot oss, skrik Ann-Kristin Lyngtu Svortevik, i det ho ser fleire spekkhoggarar komme mot båten.
På ein heilt vanleg tysdag fekk Lyngtu Svortevik ei naturoppleving ho aldri kjem til å gløyme. Tysdagen blei alt anna enn grå for bergensaren som jobbar i Flåm.
– Saman med gjengen i Flåm guideservice kasta vi oss ut i båtane. Spekkhoggarane kom ganske tett på, så det er heilt fantastisk. Eg var heldig som fekk sjå desse dyra. Det var noko spesielt å komme så nært på naturen.
Sju store spekkhoggarar var få meter frå båten, men det var alt anna enn skummelt, meiner Lyngtu Svortevik.
– Fjorden var klar og vi kunne sjå dei kvite flekkane då dei svømte under båten. Det var magisk.
Spekkhoggaren er den største arten i delfinfamilien og er med høg ryggfinne, kvit buk og flekk bak auga lett å kjenne att. Arten finst på alle verdshava og har og fleire gangar tidlegare blitt observert lenger i Sognefjorden.
Les også:
