Sjå kven som dukka opp i Skywalken

– Vi berre såg at det var konsert her når vi gjekk forbi.

Olea Bertine Savland (6) og Ronja Bruflot Nøsen (5) skulle eigentleg på kafé, men måtte stoppa opp då dei høyrde dei fine tonane gjennom Skywalken.

Folk strøymde til tunnelen då konserten starta. Det var vanskeleg å kome seg gjennom gongane då rundt hundre menneske stod klare for å høyre på dei musikalske talenta.

• Les også: Faren veddet på at hun ikke kom til å opptre – er nå ute med egen singel

Venninnene synest det var gøy med konsert.

– Folk både song og dansa, seier Olea.

Nokre var til stades på Handelshuset grunna UKM. Andre blei overraska over konserten. Dei to jentene visste ikkje kvifor ungdommane eigentleg var i Førde.

Første gong utanfor Førdehuset

Eva Kristin Svidal frå Sogn og Fjordane fylkeskommune fortel at dette er første året UKM bevegar seg utanfor Førdehuset.

– Vi ønsker at fleire skal få med seg kva som skjer.

Festivalen håpar at konserten i Skywalken kan bidra til fleire tilskodarar på Førdehuset, der UKM skal gå føre seg.

– Det er sikkert ikkje alle som er klar over kva UKM er, og difor kan det vere fint med ein slik konsert her i sentrum.

• Les også: Slik var UKM i Tromsø