Men resultatet frå konkurransen er vel verdt ein ekstra kikk. Sjekk dei fantastiske bileta i galleriet over!
I Gulen i helga var det duka for eit NM litt utanom det vanlege. Dei femten deltakarane hadde to dagar og fire dykk til å levere sine beste bilete i fem ulike klassar.
Roy Dahl i Norges Dykkerforbund seier eit godt undervassbilete må vere teknisk bra og godt komponert, samstundes som det helst viser noko uvanleg. Utfordringane er stort sett dei same som på land.
– Den store forskjellen er tida du har til rådvelde. I skogen eller på fjellet kan du sitte i timevis og vente på eit motiv. Under vatn kan du normalt opphalde deg halvannan time om gangen, seier han.
Samanlagtvinnaren vart Einar Yohsuke Kosaka frå Oslostudentenes Idrettslag.
– Han er relativt ny og hadde ei svært dårleg plassering i fjor. Men i år vann han, seier Dahl.