– Vi kan ikkje vere med på det som er i denne Norconsult-rapporten, at Sunnfjord-regionen kanskje skal få 200–270 færre elevplassar i framtida enn det er elevar. Det betyr at vi kanskje berre har ei elevdekning på 37–39 prosent, når vi kanskje har over 50 prosent av 15-åringane framover i tid, seier Håkon Myrvang som er leiar i SIS.
Han legg til at det som er viktig for dei å få fram er at ein nyttar dei skulebygga som ein har.
– Samt at elevane får bu heime, seier Myrvang.
- LES OGSÅ:
- LES OGSÅ:
Er midt i ein prosess
Fylkesordførar Åshild Kjelsnes tok i mot fråsegna frå ordførarane.
– Eg tykkjer det er greitt at ordførarane tek i vare sine hovudpoeng. Det er deira jobb. Eg tek i mot mange innspel frå heile fylket og i denne fasen tek vi dei berre med oss vidare. Konsekvensutgreiingane er ikkje ferdige endå, seier fylkesordførar Åshild Kjelsnes.
Ho understrekar at ein skal sjå på alle argument.
– Eitt av utvalskriteriane vi la i botn er at det er eit ønske om at flest mogleg ungdommar skal kunne bu heime, seier Kjelsnes.
- LES OGSÅ:
- LES OGSÅ:
Er undrande til underdekking
SIS stiller seg sterkt undrande til at Norconsult sitt framlegg der det er ei underdekking på 200 elevplassar i Sunnfjord, i alle dei tre modellane.
Dei peikar på at dette samsvarar svært dårleg både med den relative delen 15-åringar for regionen som aukar til 52 prosent, og veksten som regionen opplever i dag.
- LES OGSÅ:
Forumet har i sin uttale lagt vekt på fem punkt:
- Sikre elevplassar i Sunnfjord
- Vil ikkje leggje ned Mo og Jølster vgs. avdeling Jølster
- Sikre breidda i Sunnfjord innan service og samferdsle, transport og logistikk
- Sikre tilbod om idrettsfag ved Flora vidaregåande skule
- Fylkesdekkjande anleggsmaskinlinje
- Elevane i Sunnfjord skal kunne bu heime