– Vi har fått mange klager der naboar reagerer på støy, seier operasjonsleiar ved Vest politidistrikt i Sogn og Fjordane, Per Rimmen.
- Les også:
Meldingane politiet har teke imot søndag, handlar stort sett om plenklipping og slåttearbeid.
Helgedagsfred
I 16-tida søndag har kring fem personar ringt politiet om bråkete naboar. Dei fleste er irriterte for at dei får helgedagen sin øydelagt av støyande aktivitetar, seier Rimmen.
– Folk må respektere helgedagsfreden. Mange tenkjer nok ikkje over at dei er pliktige til å ikkje arbeide slik at det er til sjenanse for andre på søndagar, men slik er det altså.
– Dårleg motteke
Politiet har reist ut til éin adresse etter klage om bråk, men fleire har fått ein telefon frå politiet, søndag.
– Det blir dårleg motteke. Forståeleg nok. Når ein står midt i slåtten eller er ferdig å klippe halve plenen, vil ein sjølvsagt gjere seg ferdig. Men vi har stoppa arbeid som følgje av klage, seier Rimmen.
Ingen personar er førebels melde til politiet.