– Dei snakka med politiets utlendingseining i går, og det vart levert inn ein søknad om opphald i Norge, seier advokat Roland Kjeldahl.
OSLO: Simon er på Tanum asylmottak i Oslo.
Foto: Anita Uberoi / NRKReiste til Oslo
– Vi meiner UDI må ta omsyn til dei sterke humanitære omsyna i denne saka. UDI kan vurderer saka med utgangspunkt i dette, seier Kjeldahl.
- LES OGSÅ:
Simon og Fkadu Thaye reiste med nattbussen til Oslo, og kom til hovudstaden torsdag morgon - midt i Obama-rushet der det krydde av politifolk. Der hadde dei møte med politiet.
Etter møtet reiste dei to til asylmottaket Tanum i Bærum.
Mykje engasjement
Saka har fått mykje oppsikt i landet, og mange har engasjert seg. Tidlegare statsråd Heidi Grande Røys (SV) tok bladet frå munnen og krevde at Simon og faren skulle få bli.
Også Per Sandberg (Frp), leiar i justiskomiteen, har engasjert seg, og .
Tidlegare i år vart dei to asylsøkjarane sendt ut av landet og tilbake til Italia der dei kom først. Dei budde i Florø i over eitt og eit halvt år før dei vart sendt ut.
I Italia skal dei ha budd ute under open himmel i 80 dagar, før dei kom attende til Norge på ulovleg vi i november.
(Saka held fram under biletet.)
ENGASJEMENT: Mange har engasjert seg i saka. Tidlegare i vinter var det fakkelaksjon utanfor Florø kyrkje der dei to har søkt asyl.
Foto: Simon F. Solheim / NRK– Tilbake til Florø
Ifølgje Roland skal dei Simon og Fkadu på Tanum nokre dagar før dei, etter planen, skal attende til Florø. Men då skal dei ikkje bu i kyrkjeasyl, men på asylmottaket.
– Eg ryddar kyrkja i dag. Eg skal ta ut tinga deira og gjøre reint, seier Kåre Leif Hollevik, leiar i aksjonsgruppa for dei to.
- LES OGSÅ:
Hollevik fortel at han håpar UDI no vil realitetsbehandle søknaden i Norge, og ikkje bruke Dublin II-konvensjonen som argument for å få dei to ut av landet.
– Vi håpar dette vil ordne seg, seier Hollevik.
