Ombodet meiner det er viktig å tore prate om at seksuelle overgrep skjer, og håpar sexvett-reglane kan setje saka på dagsorden.
Aller helst håpar dei at ungdomen følgjer reglane.
- Vi veit at minst 15 prosent av alle jenter opplever eit seksuelt overgrep før dei vert 20 år. Mange av desse skjer i russetida, seier likestillings- og diskrimeringsombod Sunniva Ørstavik.
- LES OGSÅ:
Fleire russevaldtekter
Berre nokre dagar inn i russefeiringa har det allereie kome inn fleire meldingar om valdtekter knytt til feiringa. Natt til 1. mai skal ei jente ha blitt valdteken på eit russetreff på Tryvann i Oslo.
- LES OGSÅ:
Natt til onsdag fekk politiet melding om eg mogleg valdtekt i samband med ein russefest i Førde. Ein russ er sikta etter hendinga, og politiet etterforskar no saka for fullt.
- LES OGSÅ:
- LES OGSÅ:
(Artikkelen held fram under biletet)
- Vi må tore setje fokus på dette
Ørstavik seier dei av erfaring veit at det skjer fleire valdtekter i løpet av russetida.
- Kombinasjonen av ungdom og mykje alkohol gjer at russetida er ei spesiell utsett tid, seier Ørstavik til NRK.no.
Samtidig legg ombodet vekt på at russefeiringa er ei fin tid for ungdomen. Dei har utarbeidd sexvett-reglar for russen, i håp om at dei skal bidra til auka merksemd rundt problemstillinga.
- Det farlegaste vi kan gjere er å ikkje snakke om dette. Mange valdtekter skjer i festleg lag, og den vanlegaste overgriparen er ein du kjenner. Vi håpar desse reglane kan vere med å gjere ungdomane meir bevisste, seier Ørstavik.
- LES OGSÅ:
Ni sexvett-reglar for russen
Sexvett-reglane frå Likestillings- og diskrimineringsombodet er utarbeida med fjellvettreglane som utgangspunkt.
- Vi meiner det er mykje sunt bondevet i fjellvettregane, og har difor skrive dei om til sexvett-reglar, seier Ørstavik.
Dette er reglane:
- Legg ikkje ut på langtur utan trening. Bli kjend med din eigen kropp før du har sex med andre.
- Meld frå til vennene dine kor du går. I alkoholrus er det lett å gå seg vill.
- Vis respekt for andre sine grenser. Eit nei er eit nei.
- Ver rusta mot uønska graviditet og kjønnssjukdomar, sjølv på korte turar Berre kondom gir beskyttelse mot sjukdomar. Lær deg korleis du bruker den.
- Gå ikkje åleine! Pass på kvarandre
- Lær deg ditt prevensjonsmiddel å kjenne. Finn ut kva du skal gjere dersom noko går gale. (Huska at naudprevensjon må takast så fort som mogleg dersom prevensjonen sviktar).
- Vend i tide – det er ingen skam å snu. Det er lov å sei nei, for begge partar.
- Spar på kreftene! Avslutt festen i tide – og husk å få i deg nok søvn og mat til å ha det gøy dagen der på.
- Lytt til erfarne fagfolk. Dersom du lurer på noko om kropp og seksualitet ring SUSS.