Det vart bestemt i samferdsleutvalet, som i dag sette av nesten 1,8 milliardar kroner til desse tunnelane fram til 2025. Staten dekkjer om lag halvparten av kostnaden.
– Dette er eit heilt naudsynt grep. Vi har visst over lengre tid at vi har hatt eit stort etterslep på vedlikehald av tunnelane våre og dette er ein samla plan på korleis vi skal løyse desse utfordringane, seier utvalsmedlem Arnstein Menes (Sp).
NØGD: Arnstein Menes (Sp) er glad for at fylkeskommunen no kan setje i gong å utbetre ei lang rekkje tunnelar dei neste ti åra.
Foto: Erlend Blaalid Oldeide / NRK- Les også:
- Les også:
Sjølv om Menes er glad for at dei får tatt unna brorparten av vedlikehaldet, meiner han behovet er enno større.
– Men vi har ein viss sum kroner vi kan bruke og dette er så langt vi har greidd å strekkje oss i denne saka, seier han.
Utbetringane i Høyangertunnelen er allereie i gong, etter mykje om og men også med naudnett. Arbeidet i resten av tunnelane vil bli sett i gong i prioritert rekkefølge, men detaljane er enno ikkje klare.
– Det er kanskje først og fremst ein del tunnelar på fylkesveg 53 og 55 som står øvst på lista. seier Menes.
