NRK Meny
Normal

Set alle maskinene på bakken

Helikopterverksemda Airlift kansellerer alle sine oppdrag tysdag som følgje av dødsulukka måndag.

Airlift-hovudkvarteret på Bringeland

PÅ BAKKEN: Airlift-maskinene blir ståande på bakken tysdag.

Foto: Merete Husmo Høidal / NRK

Marknadssjef Erlend Folstad i Airlift seier dei prioriterer å ta hand om sine tilsette etter dødsulukka i fjellområda mellom Ullensvang og Eidfjord i Hardanger.

Fem personar omkom i det som truleg er den alvorlegaste helikopterulukke på Fastlands-Norge.

– Airlift har ikkje fått noko indikasjon utanfrå at vi skal sette maskinene på bakken. Vi har gjort dette sjølve av omsyn til våre tilsette, seier Folstad.

Helikopterulukke i Ullensvang juli 2011

BYRJA Å BRENNE: Ulukkeshelikopteret byrja å brenne etter styrten.

Foto: 330-skvadronen

Startar undersøking i dag

Fem personar var i helikopteret då det styrta. Mellom desse ein pilotane som har vore tilsett i fem år i Airlift. Ulukkesårsaka er førebels ukjend, men Havarikommisjonen kom tysdag føremiddag til Ullensvang for å starte sine undersøkingar.

Erlend Folstad, marknadssjef i Airlift

I SORG: Erlend Folstad og Airlift har i dag orientert sine tilsette om ulukka i Hardanger.

Foto: Hans Henrik Løken / NRK

Folstad seier dei i tysdag har orientert sine tilsette ved hovudbasen på Bringeland i Førde.

– Våre viktigaste prioriteringar er dei pårørande som har mista sine kjære og våre tilsette. Vi har bestemt oss for å ikkje operere i dag, dette for å ta oss best mogleg av våre tilsette, seier Folstad.

Organisasjon i sorg

Direktør Johnny Skoglund i Airlift seier i ei pressemelding at heile organisasjonen er i sorg. Helikopteret som styrta i Hardanger var stasjonert i Kinsarvik.

– Ulukka med eit av våre helikopter i fjellet i Eidfjord er djupt tragisk. Airlift er ein organisasjon i sorg. Vi gjer no det vi kan for å hjelpe dei pårørande, tilsette, lokale styresmakter, politi og havarikommisjonen, seier han.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.