- Her er området der gruva kjem til å liggja, og slik kjem det til å sjå ut dersom gruva kjem. Det er berre innover og innover og innover, seier Laila Claussen.
- Arbeidsplassar for ein kvar pris?
Biletet av ei gruve i Kirkenes vert nytta som eit skremselsbilete for korleis det kan koma til å sjå ut i Vevring. For her kjempar bygdesamfunnet mot gruvedrift.
- Motivasjonen er at eg har tre små born, og bur 800 meter frå Engebøfjellet. Garden her er driven i generasjonar, og eg vil at mine born skal driva den trygt også, seier Claussen.
I gruva skal ein vinna ut stoffet Rutil, medan millionar av tonn overskotsmasse vil verta dumpa i den nasjonale laksefjorden.
Les også:
Les også:
- Det vert jo eit verdival. Skal ein skaffa arbeidsplassar for ein kvar pris? Me hadde jo håpa me skulle få behalda Naustdal som den har vore med bærekraftige arbeidsplassar i mange år. No legg me fjorden brakk og får ei gruve med arbeidsplassar i 30-40 år i staden.
Jublar for gruva si
Jernmalmgruva i Sør-Varanger i Finnmark opna att denne veka etter 14 år stillstand. Her utløyser det jubel, ikkje sorg.
- Eg trur det er veldig positivt. Ikkje berre for næringa her, men for ungdom som har fått arbeid i gruva. Elles måtte dei ha flytta eller gått arbeidsledige, seier Grethe Martinsen, som jobbar i gruva.
Gruva i Sør-Varanger gjev arbeid til 400 peronar. Til og med lokale miljøvernarar helser gruva velkommen.
- Me aksepterer at ein har forsvarleg utnytting av ein naturressurs. Det er når ein går utover det forsvarlege at me reagerer, seier Bernt Nilsen i folkeaksjon mot giftutslepp.
- Me gjev ikkje opp
Tilbake i Vevring verkar 170 nye arbeidsplassar i gruva forlokkande på Naustdalordførar, Håkon Myrvang.
Les også:
Les også:
Les også:
- Berre ni kommunar i landet har større underskot på arbeidsplassar enn oss. Arbeidsplassar er viktige i Sør-Varanger, og det er viktig her.
- Men me gjev ikkje opp, svarar Laila Claussen, som vil verta nabo til ei eventuell gruve i Vevring.