NRK Meny
Normal

Sendt til Rikshospitalet etter arbeidsulukke

Ein mann i 60-åra er frakta til Rikshospitalet i Oslo etter ei arbeidsulukke i Leikanger i Sogn.

Leikanger
Foto: Alf Vidar Snæland

Ulukka skjedde i 1330-tida onsdag. Ambulanse, luftambulanse og kommunelege rykte ut til staden. Helse Førde melde på Twitter at mannen fekk amputasjonsskade.

– Mannen har fått ein skade på handa og i fingrar, seier operasjonsleiar Kai Henning Myklebust ved Vest politidistrikt i Florø.

Mannen vart sendt til Rikshospitalet med luftambulansen. Tilstanden skal vere stabil. Politiet vil følgje opp ulukka.