NRK Meny
Normal

Sende Florø til himmels. Så blei han utvist for feiringa

FLORØ (NRK): – Eg beklagar overfor fansen. Det er min feil at vi tapte kampen, seier Monir Benmoussa.

florø

I LEIINGA: Like etter at Monir Benmoussa scora mot Bode/Glimt og sende Florø i leiinga, blei han sendt av bana med to gule kort.

Foto: Thomas Brakstad

Laster innhold, vennligst vent..

Situasjonen Benmoussa siktar til skjedde etter 63 minutt av kampen. Rashad Muhammed vart lagt i bakken og dommar Anders Gjermshus peikte på straffemerket. Straffa vart sett i det venstre hjørnet, medan Bodø/Glimt-keeper Ricardo kasta seg til høgre.

Publikum og Florø-spelarane jubla ellevilt, men 30 sekund etter scoringa var Benmoussa utvist med sitt andre gule kort for dagen.

Vart provosert

Monir Benmoussa - Florø

FRUSTRERT: Her har Monir Benmoussa akkurat fått sitt andre gule kort for ei usportsleg feiring.

Foto: Thomas Brakstad / NRK

Ein trøysteslaus Benmoussa gjekk av bana og klarte ikkje å halde tårene tilbake. I pressesona etter kampen var det ein skuffa og lei seg Benmoussa som svara på spørsmål.

– Keeperen provoserte meg i forkant av straffa og prøvde å psyka meg ut. Det klarte han ikkje og eg sette ballen i mål, seier Benmoussa.

Etter scoringa ropte han nokre velvalde ord til gjestane sin keeper, før han jubla framfor han. Dommar Anders Gjermshus drog fram det gule kortet og Benmoussa vart utvist.

– Kvifor i helsike skal han bli provosert der? Det er fordi det er ein svak dommar som ikkje tar tak i det som skjer i forkant, situasjonen oppstår grunna ein svak dommar, seier Florø-trenar Terje Rognsø.

Han var rasande etter kampen og meinte dommaren burde latt situasjonen gå, utan å gje kort.

– Han scora mål på straffe, og sprang bort til keeperen for å feire opp i ansiktet på keeper. Det er usportsleg. Difor fekk han nok eit gult kort, seier dommar Anders Gjermshus, som føler seg trygg på at han gjorde rett i å visa ut Benmoussa.

Florø-Bodø/Glimt - Monir Benmoussa

KNUST: Monir Benmoussa var sønderknust etter å ha blitt utvist.

Foto: Thomas Brakstad / NRK

Snudde kampen

Rett etter utvisinga reduserte Kristian Fardal Opseth for Bodø/Glimt, før Trond Olsen fastsette resultatet til 2–1, åtte minutt før slutt.

– Eg hadde håpa at vi hadde fått litt betre tak på dei, for rett før og etter pause var Florø vel så farlege som oss, seier Bodø/Glimt-trenar Aasmund Bjørkan.

For før utvisinga og 1–0-målet var det Florø som styrte kampen mot topplaget Bodø/Glimt, men dei klarte ikkje å sette sjansane sine.

Laster innhold, vennligst vent..
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.